دلتنگم...
درباره سایت
آخرین مطالب
امکانات وب
کُرِ بختیاریُم ، یاری ندارُم ای خدا
مِنه دنیا مو کَس و کاری ندارُم ای خدا
هر چه دیلَق مِنه دنیا به کَشِ کولِ مونه
زندیی بی تو فقط دردِ دلِ چولِ مونه
تو فقط یارِ دلُم نِهدی که درمونِ مونی
ای بقربون هَمو خالِ لَوت ، جونِ مونی
آسمونِ بختِ مو تیره و تاره ، ای سِتین
زندئی بی تو دیه فاده نداره ، ای سِتین
تی به ره مَندُمه مو دردتِ خَردُم دی بیو
تا به کی لِیز بِگرُم به حرف مَردُم دی بیو
بِرِقشتِ مَه و اَفتو زِ تیا کالِ تونه
اَر بینی که نِهبَرُم خَو زِ تیا کالِ تونه
تو چطَو دلِت اِیاهه که نَیاهی کِلِ مو
کافَری خَوَر نداری پُلُفِسته دلِ مو
کَوگِ رَشتالِ دلُم هوفِشِ بالِت کویِنه
اُو پَلِ بور و قشنگی تیه کالِت کویِنه
مو غَریوه ئی ولاتُم که ندارُم دیه بال
تَش نَهادی به دلُم کَوگِ دَری ای تیه کال
زِیرِ دردی که کشیدُم دی بُریده کَمرُم
بَهسِته دُهدَر اَفتو دِراَوردی پدرُم
مو که فرهاد نَبیدُم شَو و رو کوه بِکَنُم
بعدِ تو به بختِ خوم دُواره وا تیشه زَنُم
عشقِ مو جورِ زلیخاهِ و ناچاره دلُم
اَر خدا بِخو یَه روزَم تو اِبوی یارِ دلُم